कोरोना संक्रमण हुँदैमा मृत्यु हुँदैन, तर यस्ता व्यक्तिहरु भने सतर्क रहनुपर्छ : डा .रवीन्द्र पाण्डे

काठमाडौ । चीनको डाटा अनुसार कोरोना संक्रमितमध्ये ८१ प्रतिशतलाई साधारण लक्षण देखिएर आफै निको भए, लगभग १३.८ प्रतिशतलाई गम्भीर लक्षण देखिएका थिए ,उनीहरुलाई सास फेर्न गाह्रो हुने तथा अक्सिजन सपोर्ट आबश्यक भएको थियो । ४.७ प्रतिशत क्रिटिकल अवस्थामा थिए जसको मल्टिपल अर्गान फेलियर, स्वाश्प्रश्वास फेलियर तथा सेप्टिक सक भएको थियो । २.३ प्रतिशतको मृत्यु भएको थियो , मृतक अधिकांश ७० बर्षमाथिका तर गम्भीर तथा दीर्घकालीन रोग भएका थिए ।

सतर्क रहनुपर्ने व्यक्तिहरु

१, ६५ बर्षमाथिका व्यक्तिहरु

२, ती बिरामी जो लामो समयसम्म अस्पताल बसिरहेका छन्

३, ती व्यक्ति जसको दीर्घ फोक्सोको रोग छ वा गम्भीर दमको रोग छ्र

४, ती व्यक्ति जसको रोग प्रतिरोधात्मक क्षमता छैन जस्तै क्यान्सरको गम्भीर चरणमा भएका बिरामी

५, जो अत्यधिक मोटा छन् र उनीहरुलाई दीर्घ मधुमेह, किड्नी फेल, कलेजोको दीर्घ रोग छ ्र

६, गर्भवती महिला जसलाई अन्य दीर्घ रोग छन्

तसर्थ सबैले अनाबश्यक डर मान्नु जरुरी छैन , पूर्णरुपमा घरभित्र बस्यो भने कोरोना भाइरस सर्दैन, लक डाउनको पूर्ण पालना गरौं ।

कोरोना भाइरस कसरी सर्दछ ?

१, कोरोना भाइरस मुख्यतया संक्रमितले खोक्दा, छ्युं गर्दा, बोल्दा मुखबाट निस्किने छिटा, कण आदिको माध्यमबाट स्वस्थ व्यक्तिमा सर्दछ । ती छिटा तथा कण भुइंमा, भित्तामा, सिटमा, टेबलमा, कपडामा पनि जाने भएकोले त्यहाँ छुँदा पनि सर्दछ , अर्थात हातबाट मुख, नाक हुँदै सर्दछ , यो भाइरस आँखाबाट पनि सर्दछ्र ।

२, हावा ओहोरदोहोर नगर्ने कोठामा यो भाइरस केहि घण्टा रहन सक्छ , यसरी पनि यो रोग सर्न सक्छ ।

३, दिशाबाट पनि यो रोग सर्न सक्ने अनुसन्धानले देखाएको छ ।

४, आँशु, र्याल, सिंगान, खकार, विर्य, योनिश्राब लगायत अन्य बोडी फ्लुइडबाट पनि यो रोग सर्न सक्ने अनुसन्धानदाताले बताएका छन् ।

५, छालाको छिद्र, रोमकुप आदिबाट सर्ने र नसर्ने बारे अध्ययन भइरहेको छ ।
(डा.पाण्डे जनस्वास्थ्य विज्ञ हुनुहुन्छ )