भारतीय अभिनेता वरुण धवन नेपाली फ्यानसँग, नेपालको बारे यस्तो भने

मुम्बई । बलिउड अभिनेता वरुण धवनको एउटा भिडियो क्लिप यतिबेला सामाजिक सञ्जालमा भाइरल भएको छ ।

उनको एउटा फ्यान क्लवले सार्वजनिक गरेको भिडियोमा उनले नेपालका बारेमा प्रशंसकलाई नै सम्झाएका छन् । एक नेपाली प्रशंसकसँग भिडियो खिच्दै धवनले होलीको शुभकामना दिएका छन् ।

भिडियोमा उनले पाण्डे भनेर सम्बोधन गरेका ती प्रशंसकका सबै साथीलाई होलीको शुभकामना दिएका छन् । वरुणले शुभकामना दिइरहँदा ती प्रशंसकले बीचमा बोल्दै ‘मेरो गाउँ नेपाल’ भनेका छन् ।

अभिनेता वरुणले उनलाई रोक्दै भिडियोमा भनेका छन्, ‘नेपाल देश हो, गाउँ होइन, नेपालबासी सबैलाई शुभकामना छ ।’